සාමාන්‍ය පරිද්දෙන් ගෙවී ගිය ඊයේ උදෑසන 10ට පමණ මගේ විශ්වවිද්‍යාල මිතුරියක් මා හට දුරකථන ඇමතුමක් දී පවසා සිටියේ ජංගම දුරකථන වලට නන්නාඳුනන අංක කීපයකින් පැමිණෙන දුරකථන ඇමතුම් විශේෂයක් ඇති බවත්, ඉන් අධි සංඛ්‍යාත නාදයක් නිකුත්වන බවත්, එයින් මොලයට හානි වී කීපදෙනෙකු මියගොස් ඇති වග ආරංචි වී ඇති බවත් ය. මෙය DD News නම් චැනලයක පල වූ පුවතක් බව ආරංචි යැයි පැවසූ ඇය DD News යනු කුමක්දැයි මගෙන් විමසා සිටියාය. එවැන්නක් මා අසා නැති බව මම කීවෙමි. කෙසේ වෙතත් ඇයට අවශ්‍ය වූයේ මේ ආරංචිය සත්‍යයක්දැයි දැනගැනීමටත්, යම්හෙයකින් සත්‍යයක් නම් අපේ මිතුරන් සියලු දෙනා වෙත ආරංචිය ලබාදිය හැකි මාර්ගයක් සෙවීමත්ය.

මා නැවත දුරකථනයෙන් බැහැරව පරිගණකය වෙත පැමිණ වාඩි වන විට මා සම්බන්ධ වී සිටින Facebook group එකකින් මේ සම්බන්ධ පණිවුඩයක් පැමිණ තිබුනි. එය මෙස් විය,

Hi All,
Its very important news for all of you. Do not pick up calls from the Under given numbers.
9888308001,
9316048121,
9876266211,
9888854137,
9876715587 ,
These numbers will come in red color, if the call comes up from these numbers. Its with very high wave length, and frequency. If a call is received on mobile from these numbers, it creates a very high frequency and it causes brain ham range.
It’s not a joke rather, its TRUE. 27 persons died just on receiving calls from these numbers. Watch Aaj Tak (NEWS), DD News and IBN 7.
Forward this message to all u’r friends and colleagues, and relative

මෙහි DD News යනු ඉන්දියානු දූරදර්ශන් රූපවාහිනිය බවත්, IBN යනු තවත් එවැනිම ඉන්දියානු චැනලයක් බවත් මට සොයාගත හැකි විය. එහෙත් එම අඩවි දෙකෙහිම ඔය කියන වර්ගයේ Breaking News එකක් දක්නට නොලැබිණි. මගේ ඊලඟ පියවර වූයේ මා සාමාන්‍යයෙන් කරන පරිදිම ගූග්ල් සර්ච් එන්ජිමේ පිහිට පැතීමයි. මා කලේ නිකමට මෙන් මෙහි සඳහන් මුල් අංකය වන 9888308001 යන්න සෙවුමක් කර බැලීමයි. සමස්ත සිද්ධිය පිලිබඳවම පූර්ණ අවබෝධයක් ලබාගැනීමට එය ප්‍රමාණවත් විය.

පිලිගත් වෙබ් අඩවියක් වන About.com හි මෙම අංකය ඇතුලත් ලිපියක් මගේ අවධානයට යොමු විය.^[1] එහි මාවෙත ලැබුනු ලිපිය කිසිදු වෙනසකින් තොරව සම්පූර්ණයෙන්ම පාහේ අඩංගු විය. එහි සඳහන් වූ ආකාරයට මෙය 2007 අප්‍රේල් 13 වෙනි දින මුලින්ම පාකිස්ථානයේ ප්‍රචාරය වූ අසත්‍ය ප්‍රචාරයකි, එනම් hoax^[2] එකකි!

අපේ වැසියන් ඊයේ බිය වී ඇත්තේ වසර ගණනක් පැරණි මෝඩ ජෝක් එකකටය! මෙය ලංකාවේ පැතිරීමේ මූලය කුමක්දැය නොදන්නා නමුත් මා සැක කරන්නේ එය fm චැනලයක ආනුභාවයෙන් සිදුවූවක් විය හැකි බවය. අන් චැනල පරදා පැයෙන් පැය කීමට උණුසුම් පුවත් එක්කාසු කරන අතරතුර chain email එකක් සේ පැතිරී ඇති ඔය කියන පණිවුඩය චැනලයේ කිසිවෙකුට ලැබෙන්නට ඇත. එය දුටු තැනැත්තා සොයාබැලීමකින් තොරව වහා එය ප්‍රචාරය කරන්නට ඇත.

මගේ මිතුරියට නැවත කෝල් කර බියවීමට කරුණක් නැති බවත්, මෙය බොරු ප්‍රචාරයක් බවත් දැනුම් දුන් මා ඊලඟට කලේ ඒ බව facebook status message එක ලෙසද පලකිරීමයි. පණිවුඩය එවා තිබූ facebook group එක වෙතද මෙවන් බොරු සඳහා ප්‍රචාරය දීම නවත්වන්නැ‘යි කියා උත්තර ලිවීමෙන් පසුව මා කලේ පෙර කී පණිවුඩය හොඳින් කියවා බැලීමයි. එහි රසවත් තැන් රැසක් දක්නට ලැබේ.

• පණිවුඩයක් පැමිණෙන දුරකථන අංක නිවැරදිව දන්නවා නම් ඒවා බ්ලොක් කිරීම දුරකථන සමාගම් වලටම කල නොහැක්කේ මන්ද?
• “These numbers will come in red color“ – මින් අදහස් වන්නේ ඇමතුම පැමිණෙන විට අංකය රතු පැහැයෙන් තිරයේ දිස් වන බවද? කිසිදු දුරකථනයක පැමිණෙන ඇමතුමක CLI විස්තරය ඇමතුමට ඕනෑ හැටියට පාට පාට කිරීමට පහසුකම් නැත. එපමණක් නොව ඒක වර්ණ (monochrome) තිර සහිත දුරකථන වලදී මෙම ඇමතුම් කෙසේ පෙනේවිද?
• “Its with very high wave length, and frequency“ – ලියා ඇති සැටියෙන් හැඟෙන්නේ අදාල ශබ්දය අධි තරංග ආයාම හා අධි සංඛ්‍යාතයෙන් යුතු බවකි. විද්‍යාව ඉගෙන ගෙන ඇති අය මෙය කිසිසේත් සිදු විය නොහැක්කක් වග දන්නවා ඇත. තරංගයක තරංග ආයාමයත්, සංඛ්‍යාතයත් අතර ඇත්තේ ප්‍රතිලෝම සම්බන්ධයකි. එනම් එකක් වැඩිවේ නම් ඊට සාපේක්ෂව අනික අඩුවේ. v = fλ යන තරංග සමීකරණයෙන් මෙම සම්බන්ධතාව දැක්වේ.
• GSM ජාලයක් හරහා යැවිය හැකි උපරිම තරංග සංඛ්‍යාතය පිලිබඳව මා නොදනී. නමුත් ජංගම දුරකථනයේ ඇති දුර්වල ස්පීකරයෙන් මිනිසාට හානිකර මට්ටමේ අධි සංඛ්‍යාතයක් නිපදවිය හැකියැයි මා නොසිතමි. දුරකථනයේ ස්පීකරය ශ්‍රව්‍ය පරාසයේ ඇතැම් සංඛ්‍යාත වලට පවා සංවේදී නැත. ඇතැම් ශබ්ද ඉන් නෑසෙන්නේ එහෙයිනි. දුරකථනයේ ස්පීකරයෙන් අමිහිරි ශබ්දයක් නිකුත් වේ නම් අවිඥාණිකවම අප කරන්නේ වහා දුරකථනය කණෙන් ඈත් කිරීමය. අදාල හඬ අපට ඇසෙන කාලය තත්පරයකටත් අඩු විය හැකිය. එසේනම් තත්පරයකටත් අඩු කාලයකදී මිනිසෙක් මරාදැමිය හැකි වීමට එය සුපිරි ශක්තියකින් යුත් තරංගයක් විය යුතුය. නමුත් පරහකට ඇත්තේ ජංගම දුරකථනය යනු වොට් 2ක පමණ කුඩා ශක්තියක් පමණක් නිපදවිය හැකි දුර්වල යන්ත්‍රයක් වීමයි.
• අහවල් චැනලයේ මේ පිලිබඳව ප්‍රචාරය වූවායැයි කියා තිබෙනවා මිස ඒ සඳහා පිලිගත හැකි සාක්ෂියක්, අඩු තරමේ වෙබ් පිටුවක ලින්ක් එකක්, හෝ පල කර නැත. මේ ආකාරයෙන් පැමිණෙන්නේ සත්‍ය තොරතුරු නොව chain letters බව ඊමේල් සමග ගණුදෙනු කරන්නන් හොඳින් දනිති.

කෙසේ වුවද මේ කිසිවක් නොසලකා දිවයිනේ වැසියෝ හොඳහැටි කලබල වූහ. නූගත් ගැමියන් ඉන් කලබල වීම සාධාරණය. නමුත් අධ්‍යාපන තත්වයක් ඇති උගත් මිනිසුන් පවා දුරදිග නොබලා මේ බොරු ආරංචිය මුදල් වියදම් කරගෙන අන් අයට sms මාර්ගයෙන් පතුරා හරිනු දැකිය හැකි වීම කණගාටුවට කරුණකි. අන්තර්ජාලයේ ගැවසෙන්නන් හට මෙය අන් අයට ඊමේල් කිරීමට, facebook message යැවීමට පෙර නිකමට ගූග්ල් සෙවුමක් කර බැලුවේ නම් සත්‍යය සොයාගන්නට ඉඩ තිබිණි.

සාමාන්‍යයෙන් මේ රටේ සිදුවන පරිද්දෙන්ම පසු පසු වන විට මේ කටකතාව පැතිරී තිබුනේ තවත් විකෘතිවීම් රැසකට බඳුන් වී ය. ඉන් ඇතැම් කතාවකට අනුව පැමිණෙන්නේ sms එකකි, ඉන් දුරකථනය පුපුරා විනාශ වේ. ඇතැමුන්ට අනුව පැමිණෙන sms එකෙන් රෝග කාරක වෛරසයක් බෝ වේ. විද්‍යුත් මාධ්‍යයක් හරහා ජෛව වෛරසයක් පැතිරිය හැකි යැයි සිතන මිනිසුනුත් මෙහි සිටීද! අදාල ඇමතුම් පැමිණි විට දුරකථනයෙන් විෂ වායුවක් පිටවන කතාවක් ද පැතිරී ඇතැයි ආරංචි වුවද එහි සත්‍යාසත්‍යතාවය නොදනිමි. මගේ තවත් මිතුරියකට ඇය හඳුනන හෙදියක් විසින් පවසා ඇත්තේ ඇය සේවය කරන රෝහලට අසනීප වූ මිනිසුන් ද ගෙන ආ බවය! බියෙන් මුසපත් වූ ඇය මිතුරන්ට sms එකක් ගසා වහා දුරකථනය විසන්ධි කල අතර ඊයේ දවස පුරාම ඇය සම්බන්ධකර ගැනීමට නොහැකි විය! හෙදියක් එබඳු කතාවක් පැතිරවීම වඩාත් දරුණු තත්වයක් බව නොකිවමනාය.

කලක් තිස්සේ මා නිරීක්ෂණය කල ආකාරයට ලාංකිකයන් පුරුදු වී ඇත්තේ ආරංචියක් ලැබුනු විට එය පිලිබඳව දෙවරක් සිතා බැලීමට නොව එය ඉස්මුදුනෙන් පිලිගෙන හොඳහැටි කලබල වීමටත්, අන් අයද කලබල වන අයුරින් එය පතුරවාහැරීමටත් ය. මෙය ලාංකිකයන් ගේ ජාන වල වැරැද්දක්ද, සංස්කෘතියේ වැරැද්දක්ද, හැදියාවේ වැරැද්දක්ද, නැතහොත් ලැබූ අධ්‍යාපනයේ වැරැද්දක්දැ‘යි සිතා බැලීම ඔබට බාර කරුණකි.

ආ… මේ කියන්න හදන්නේ ෆෝන් එකේ බ්‍රවුසර් එකෙන් ඊමේල් එකට ලොග් වෙලා මේල් යවන විදියවත්, Gmail J2ME app එක මගින් ඊමේල් යවන විදිවත්  නෙමෙයි. Sony Ericsson ෆෝන් වල in-built mail client එක පාවිච්චි කරන විදිය ගැනයි. මෙන්න වැඩේට step-by-step guide එකක් !

මම නම් මුලින්ම මේ වැඩේට වෙනම ඊමේල් එකවුන්ට් එකක් හදාගත්තා. හේතුව අපේ දැනට තියෙන ඊමේල් එකවුන්ට් එකට අනවශ්‍ය ඊමේල් තොග ගණනින් එන නිසා ඒවා සියල්ල ෆෝන් එකට එන්න ගත්තොත් කරදරයක් වීම (ෆෝන් එකේ ඩිස්ප්ලේ එකේ තියෙන සුලු ඉඩකඩේ එච්චර මේල් ගොඩක් handle කරන්න ලේසි නෑ නේ) හා වැඩි ඩේටා ප්‍රමාණයක් වැය වීම. මේ ප්‍රශ්න දෙක නැති කෙනෙකුට හා දැනට පාවිච්චි කරන default ඊමේල් ඇඩ්‍රස් එකම ෆෝන් එකෙනුත් පාවිච්චි කරන්න  විශේෂ අවශ්‍යතාවක් තියෙන කෙනෙකුට ඒ ලිපිනය පාවිච්චි කරන්න පුලුවන්.

මම අලුත් ලිපිනය හදාගත්තේ gmail මගින්. හේතුව gmail හි නොමිලේ POP/IMAP සේවාව ලබා දීම හා configuration පහසුවෙන් ලබාගත හැකි වීම. ඔබ Google Apps පාවිච්චි කරන්නෙක් නම්, Apps Email ලිපිනයක් උනත් මේ වැඩේට පාවිච්චි කරන්න පුලුවන්.

ඔන්න මේ උදාහරණෙට ලේසි වෙන්න මම හදාගත්ත ඊමේල් එක මෙහෙමයි කියලා උපකල්පනය කරනවා.

• Email: indare@gmail.com
• Password: myemailpassword

මුලින්ම කරන්න ඕනේ එකවුන්ට් එක POP/IMAP ඇක්ටිවේට් කරන්න ඕනෙ. ඒකට Gmail/Google Apps Mail එකවුන්ට් එකට ලොග් වෙන්න. ඊලඟට දකුණු පැත්තේ ඉහල කෙලවරේ තියෙන ලින්ක් වලින් Settings වලට යන්න. ඒකේ Forwarding and POP/IMAP කියන ටැබ් එකට යන්න. දැන් මේ විදියට කරන්න.

1. POP Download කියන තැන Enable POP for mail that arrives from now on සිලෙක්ට් කරන්න
2. IMAP Access කියන තැන Enable IMAP සිලෙක්ට් කරන්න.
3. දැන් Save Changes කරන්න.

හරි. දැන් ඔබේ ඊමේල් එකවුන්ට් එක බාහිර ඇප්ලිකේෂන් මගින් ඊමේල් යැවීමට/ලබාගැනීමට සූදානම්.

දැන් තියෙන්නේ ඔබේ Sony Ericsson ෆෝන් එක අතට ගන්න. ඒකේ Menu එකට ගිහින් Messaging වලට යන්න. මේ ඔබ SMS එකක් යවන්න යන තැන. ඔබේ ෆෝන් එකෙන් ඊමේල් යවන්න පුලුවන් නම් එහි Email යනුවෙන් option එකක් තියේවි. මේ තියෙන්නේ දුරකථන කීපයක ඒ මෙනු එක.

ඕකේ තියෙනවා Settings කියලා තැනක්. ඒකට යන්න. ඒකේ ඇති New Account කියලා තැනක්. ඊලඟට ඒකට යන්න.

ඔන්න දැං තමයි ප්‍රශ්නේ මතුවෙන්නේ. විවිධ ෆෝන් වල මේ Settings ටික විවිධ පිලිවෙලට තියෙන්නේ. ඒ නිසා මම මගේ ෆෝන් එකේ තියෙන පිලිවෙලට දානවා. ඔබේ ෆෝන් එකේ අදාල heading යටතේ ඒ ඒ දත්ත ඇතුලත් කරන්න. ඇතැම් ෆෝන් වල ඒ මෙනුවේ Advanced Settings යටතේ තවත්

සැ.යු: මෙහි indare@gmail.com/myemailpassword වෙනුවට ඔබේ Gmail ලිපිනය හෝ Google Apps email ලිපිනයත්, පාස්වර්ඩ් එකත් යොදන්න අමතක කරන්න එපා. :D

• Account Name: මේකට කැමති නමක් දාගන්න
• Connect Using: මේ සඳහා ඔබේ වැඩකරන GPRS setting account එක ලබාදෙන්න
• Email Address: indare@gmail.com (මෙහි @gmail.com/@domain.com අනිවාර්යයි)
• Connection Type: POP3
• Incoming Server: pop.gmail.com
• Username: indare@gmail.com (මෙහි @gmail.com/@domain.com අනිවාර්යයි)
• Password: myemailpassword
• Outgoing Server: smtp.gmail.com
• Download S&R: Subjects Only (මෙහෙම නොදැම්මොත් එකපාරට මුලු මේල් එකම ඩවුන්ලෝඩ් වෙයි)
• Encryption:
  • Incoming Server: SSL
  • Outgoing Server: TLS
• Outgoing Username: indare@gmail.com (මෙහි @gmail.com/@domain.com අනිවාර්යයි)
• Outgoing Password: myemailpassword
• Incoming Port: 995 (මෙය ක්‍රියානොකලොත් 993 ලබා දී බලන්න)

• Outgoing Port: 587
• Check Interval: මෙන්න මේකෙදි ටිකක් කල්පනා කරන්න වෙනවා. check interval එක OFF කලොත් ඔබට manually email receive කරන්න වෙනවා. එක්වරක් ඊමේල් චෙක් කිරීමේදී චෙක් කරන වැඩේට විතරක් 10kb විතර යනවා. අලුත් මේල් ඇවිත් තිබුනොත් ඒවායේ Subject එක වගේ විස්තර ඩවුන්ලෝඩ් වෙන්න වෙනම ඩේටා ටිකක් යනවා. මේ නිසා මේවා ගැන හිතලා සුදුසු වෙලාවක් දාන්න.
  

මේ අත්‍යාවශ්‍ය settings ටික පමණයි. මේ හැරෙන්නට ඊමේල් එකේ signature එක ආදිය සකසන්නත් පුලුවන්. ඒවා හොයලා බලලා හදාගන්න :P

මෙහෙම ෆෝන් එකේ ඊමේල් එකවුන්ට් එකක් හදාගෙන මට ලැබෙන ප්‍රයෝජන ටික කියන්නම් අදහසක් ගන්න,

• මගේ බොහෝ මිතුරන් ඒ වෙලාවෙම ඊමේල් බලන අය නිසා කෝල් එකක් මැසේජ් එකක් ගහනවට වඩා ඊමේල් එකක් ගැසීම ලාබදායක වීම
  
• Facebook, Twitpic, Tumblr වැනි සේවා වලට ෆොටෝ ඊමේල් මගින් අප්ලෝඩ් කිරීම (බ්‍රවුසරයෙන් ඊමේල් එකවුන්ට් එකට ලොග් වී ඊමේල් කිරීමට වඩා කෙලින්ම ෆෝන් එකෙන් මේල් කිරීම වාසිදායකය)
• Microblog එකට, Tumblr එකට ඊමේල් මගින් පෝස්ට් කිරීමට හැකි වීම
• ඊමේල් මගින් Ping.fm හරහා Facebook, Twitter, Identica status අප්ඩේට් කිරීම (බ්‍රවුසරයෙන් ඒ වෙබ් අඩවි වලට ගොස් මෙය සිදුකිරීමට වඩා කෙලින්ම ෆෝන් එකෙන් මේල් කිරීම වාසිදායකය)

මෙන්න මේ වගේ ප්‍රයෝජන තමා මම දැනට ගන්නේ.

අවසානයට වැදගත් දෙයක් කියන්න තියෙනවා. ෆෝන් එක සඳහා පාවිච්චි කරන ඊමේල් ලිපිනයට forward email එවන්න එපා කියලා යාලුවන්ට කියන්න, නැත්නම් ඒවා inbox එකෙන් බැහැර වන ලෙස filter එකක් හදාගන්න. නැත්තං හොඳ ඩේටා ප්‍රමාණයක් කපාගන්න පුලුවන් ! :D

Update:

K510, K750 වගේ පැරණි දුරකථන මොඩල භාවිතා කරන අය මේ විදියට ඊමේල් යවන්න නම් Security Certificate දෙකක් ඉන්ස්ටෝල් කරන්න ඕනේ. මේ ලින්ක් දෙකෙන් ඒවා ඩවුන්ලෝඩ් කරගෙන ෆෝන් එකට bluetooth හරහා යැවීමෙන් ඉන්ස්ටෝල් කල හැකියි.

Certificate 1

Certificate 2

Nokia 1661

ඒ වගේම Nokia, Sony Ericsson හා LG වැනි සමාගම් චීන දුරකථන හා තරඟ කිරීමට මෙන් අඩු මිල-වැඩි පහසුකම් සහිත දුරකථන හඳුන්වාදී තිබෙනවා. අපි මිලදී ගත්තේ Nokia 1661 නම් දුරකථනය රුපියල් 4000ක් වුනා. එහි color display මෙන්ම Stereo FM radio එකක්ද තිබෙනවා. රුපියල් 8000ක් පමණ දී චීන දුරකථනයක් ගෙන අවුරුද්දකටත් අඩු කාලයකදී කඩාගන්නවාට වඩා රුපියල් 4000කට නොකියා දුරකථනයක් ගෙන දිගුකල් පාවිච්චි කරන්නට (අප මෙන්ම) බොහෝ දෙනා සිතනවාට සැක නැහැ.

interestingම දේ තමයි දැන් දැන් ජනප්‍රිය branded phone විදියට 100%ක්ම බාහිරින් සමානව හදපු චීන දුරකථන වෙලඳපොලට පැමිණ තිබීම. ඉස්සර නම් මේවයේ අදාල ප්‍රසිද්ධ සමාගමේ (Nokia, Sony Ericsson) නම වෙනුවට ඒ ලඟික් යන (අකුරක් දෙකක් වෙනස්) නමක් මුද්‍රණය කර තිබුනත්, දැන් නම් කිසිදු ලැජ්ජාවකින් තොරව ඒ සමාගමේ නමම මුද්‍රණය කර එවන්නට තරම් චීන නිෂ්පාදකයෝ නිර්භීත වී තිබෙනවා. Nokia 5800 Express Music දුරකථනයක් තිබෙනු දැක මා එහි මිල විමසූ විට කඩ හිමියා පැවසුවේ එය රුපියල් 9000ක් බවයි! එය චීන අනුකාරකයක් බව මට තේරුනේ එවිටයි. එය 100%ක්ම ඔරිජිනල් 5800 දුරකථනයට සමානයි. මේ හැරෙන්නට N95 8GB, N73 Music Edition, Samsung Omnia, iPhone වැනි ජනප්‍රිය දුරකථන වල චීන අනුකාරක වෙලඳපොලේ තියෙනවා රුපියල් 15000ටත් අඩු මුදලට. ගාල්ලේ පරිගණක අලෙවිසැලක තිබුණා iPhone clone එකක්, රුපියල් 30,000කට. එතරම් මිලක් වීම ගැන මා විමසූ විට දැනගන්න ලැබුනේ එහි WiFi ද තිබෙන බවයි.

5800 හි clone එකක්

මේ හැරෙන්නට ඉතා ලස්සන චීන දුරකථන මොඩල් වෙලඳපොලේ තිබෙනවා. ඇතැම් ඒවා දැක්කාම මට මගේ Sony Ericsson දුරකථනයත් පැත්තක දාලා ඒ එකක් ගන්න හිතෙනවා :D

කොහොම උනත් මා දන්නා චීන දුරකථන මිලදී ගත් සියලුදෙනාටම පාහේ තම දුරකථන පාවිච්චි කරන්න ලැබුනේ වසරකටත් අඩු කාලයක්. මේවායේ බැටරිය ඉතා ඉක්මනින් “ගර්භනී භාවයට” (පරණ වෙනකොට බැටරිය පිම්බෙන්නේ) පත්වන අතර අමතර බැටරි වෙලඳපොලේ හොයන්නත් නෑ. Keypad එකේ, touch screen එකේ දෝෂ ඉතා ඉක්මනින් ඇතිවෙනවා. ඒ වගේම branded phone එකක් තරම් මේවා දාඩියට ඔරොත්තු දෙන්නේ නෑ. එමගිනුත් ඉක්මනින් දුරකථනය සවුත්තු වෙනවා. චීන දුරකථන වල තියෙන භාවිතයේ ලොකුම අවුල තමා GPRS වැඩ නොකිරීම හා Java application වැඩ නොකිරීම. මේ හැරෙන්නට ඇතැම් ෆෝන් වල # code වැඩ කරන්නෙත් නෑ. (ඒ කියන්නේ දුරකථනයේ අයිතිකරු හඳුනාගන්න ගහන්න කියන #132# කියන කේතය ගැහුවට වැඩක් නෑ.)

මෙන්න මෙහෙමයි මොබයිල් ෆෝන් වෙලඳපොල. ආරංචියක් තියෙනවානෙ ඊලඟට එන නෙට්වර්ක් එක වන Reliance Mobile හි නෙට්වර්ක් එක 4Gද මොකක්ද කියලා. ඒ කියන්නේ VoIP හා GSM එකට එක්කරපු ක්‍රමයක්ලු. කොහොම උනත් මේ කතාව ඇත්ත නං ඒ නෙට්වර්ක් එකට පාවිච්චි කරන්න බැරිවෙයි දැන් තියෙන ෆෝන්. අලුතෙන් 4G ෆෝන් ගන්න වෙයි. රුපියල් කීයක් උනත් ආපු පරක්කුවට අපේ මිනිස්සු ඒ ෆෝන් ගනී. මොකද ලංකාවෙ මිනිස්සුන්ට බඩට කන්න නැතත් අතට ඔබන්න ෆෝන් එකක් නැතුව බෑ නෙ. :D ඔවු.. මේ හිනාවෙන්නෙ මටත් එක්ක තමා ! :D :D

චීන දුරකථන ව්‍යාප්තිය පටන් ගත්ත කාලේ, (ඒ වගේම මම බ්ලොග්කරණය පටන්ගත්ත කාලේ) චීන දුරකථන ගැන මම ලියපු ලිපියක් තියෙනවා. කැමති නම් කියවන්න, මෙතනට ගිහින්.