ගෙවීගිය සතියේ පරිගණක ක්ෂෙත්රෙයේ වැඩියෙන්ම කතාබහට ලක්වූ පුවතක් වේ නම් ඒ Oracle සමාගම විසින් Google සමාගමට එරෙහිව නඩුමගට බසින්නට සැරසෙන්නේය යන පුවත ගැන විය හැකිය. මෙම නීතිමය අර්බුදයට පාදක වී ඇත්තේ ගූග්ල් තම ජංගම දුරකථන මෙහෙයුම් පද්ධතිය වන Android නිපදවීමෙහිදී ඔරකල් සමාගමට අයත් Java ක්රමලේඛණ භාෂාවේ ඇතැම් කොටස් බුද්ධිමය දේපල අයිතිය දැන දැනම උල්ලංඝණය කරමින් භාවිත කර ඇති බවට ඔරකල් චෝදනා කිරීමයි.
“In developing Android, Google knowingly, directly and repeatedly infringed Oracle’s Java-related intellectual property. This lawsuit seeks appropriate remedies for their infringement,”
- Oracle ප්රකාශක කැරන් ටිල්මන්
1995 දී ජේම්ස් ගොස්ලිං විසින් ජාවා නිපදවනු ලැබුවේ Sun Microsystem සමාගම සඳහාය. නමුත් Java සම්පූරිණයෙන් Sun හි දේපොලක් වූයේ නැත. ජාවා යනු විවෘත සම්මතයකි (open standard). එහි බොහෝ කේත විවෘත (open source) වේ. විවිධ සමාගම් එම සම්මතය අනුව විවිධ වෙනස්කම් සහිත ජාවා පද්ධති නිපදවා ඇත. Sun සමාගම නිපදවූ ජාවා පද්ධතිය (Sun Java, Sun JDK) මින් වැඩිම ප්රසිද්ධියක් උසුලන අතර එහි ඇතැම් කොටස් විවෘත කේත නොවන අතර Sun සමාගම සතු වේ. නමුත් Sun හි ජාවා පද්ධතිය භාවිතා කිරීම සඳහා මුදලක් ගෙවිය යුතු නැති අතර Sun හි බලපත්ර ගිවිසුමට එකඟවීම ප්රමාණවත්ය. (සම්පූර්ණයෙන් විවෘත කේත ජාවා පද්ධතියක් OpenJDK නමින් බොහෝ ලිනක්ස් පද්ධති සමග මුදාහැරේ)
2009 අගෝස්තු 20 වෙනි දින සිට Oracle සමාගම විසින් Sun සමාගම මිලයට ගත් බැවින් ජාවා හි Sun සතුව තිබූ අයිතීන් දැන් ඔරකල් සතු වේ. ගූග්ල් සමාගම මෙම සන්/ඔරකල් ජාවා සම්මතයන් කීපයක් භාවිත කර ඇත්තේ සිය ජංගම දුරකථන මෙහෙයුම් පද්ධතිය වන ඇන්ඩ්රොයිඩ් නිර්මාණය කිරීමෙහිදීය. ඔරකල් චෝදනා කරන අන්තමට මෙහි පේටන්ට් ගිවිසුම් උල්ලංඝණය කිරීමක් හා බුද්ධිමය දේපොල මංකොල්ලයක් සිදුව තිබේ.
මෙම සිදුවීමේ විවිධ පැති කීපයක් ගැන ක්ෂෙත්රෙය් කතාබහට ලක්වේ,
- ජාවා භාවිතා කිරීම වෙනුවෙන් මුදල් ඉල්ලීමට ඔරකල්ට කිසිදු අයිතියක් නැති බවත් ජාවා විවෘත සම්මතයක් බවත් වැඩි දෙනෙකුගේ මතය වී ඇති බව පෙනේ.
- මෙහිදී මතක තබාගත යුතු වැදගත්ම කරුණ වන්නේ ඔරකල් කියන ආකාරයට ජාවා හි කේත කොටස් පාවිච්චි කරමින් ගූග්ල් නිර්මාණය කරන ඇන්ඩ්රොයිඩ් මෙහෙයුම් පද්ධතිය සම්පුර්ණයෙන්ම නොමිලේ (හා විවෘත කේත) ලෙස මුදාහරින්නක් වීමත්, ගූග්ල් ඉන් ලාභයක් නොලබන බවත් ය. එබඳු මුලු ලෝකයටම ප්රයෝජනවත් ව්යාපෘතියකට අකුල් හෙලීමෙන් ඔරකල් සිය අශිෂ්ඨත්වය ප්රදර්ශණය කරතැයි බොහෝ දෙනා අදහස් දක්වා ඇත.
- නඩුමගට බැසීමේදී ඔරකල් ඉදිරිපත් කර ඇති කොන්දේසි තරමක් ඕනෑවට-වැඩි ස්වරූපයක් දක්වයි. මුදල්මය වන්දියකට අමතරව එසේ ජාවා කේත කොටස් භාවිතා කර සිදුකරන ලද නිර්මාණ විනාශ කල යුතු බවද ඔවුන් පවසා ඇත. එයින් ඔවුන් බලාපොරොත්තු වන්නේ ඇන්ඩ්රොයිඩ් ව්යාපෘතිය අඩාල කිරීමටදැයි සැක මතුවේ.
- ඇන්ඩ්රොයිඩ් ව්යාපෘතිය අද ඊයේ පටන් ගත් එකක් නොවේ. එය අනවසරයෙන් තම බුද්ධිමය දේපල භාවිත කලේ නම් ඊට විරුද්ධව නැගී සිටීමට ඔරකල් මෙතරම් ප්රමාද වූයේ, ඇන්ඩ්රොයිඩ් මෙතරම් දියුණු වන තුරුම බලා සිටියේ, මන්ද යන්න පිලිබඳව බොහෝ දෙනා සැක පලකරති. එයද ඇන්ඩ්රොයිඩ් පද්ධතියට එරෙහි මාෆියාවක්ද?
- ගූග්ල් යනු “සෙල්ලං සමාගමක්“ නොවේ. මෙබඳු බුද්ධිමය දේපල උල්ලංඝණය කිරීමක් ඔවුන් සිදුකරනු ඇතැයි සිතීම උගහටය. සාමාන්යයෙන් එබඳු සමාගමක් ව්යාපෘති ආරම්භ කිරීමේදී එහි නීතිමය පසුබිම හොඳින් අධ්යයනය කරනු ලබයි.
කෙසේ වෙතත් මේ සිදුවීම හරහා ඔරකල් සමාගම නටන්න යන පදය හොඳ නැතැයි අනුමාන කල හැකිය. සන් සමාගම මිලදී ගැනීමෙන් ඔරකල් ලද විශාලම ලාභය MySQL ඩේටාබේස් පද්ධතිය තමන් සතුකර ගැනීම යැයි කියනු ලැබේ. MySQL යනු ක්ෂෙත්රෙය්දී ඔරකල් හි ඩේටාබේස් පද්ධතියට සිටින ප්රබලම ප්රතිවාදියාය. ප්රතිවාදියා තමන්සතු කර ගැනීම කෙතරම් වැඩදායකද! අනාගතයේදී ඔරකල් විසින් MySQL හි බලතල අඩුකොට එමගින් ඒ වෙනුවට ඔරකල් පද්ධතිය භාවිත කිරීමට මිනිසුන් පොලඹවනු ඇතැයි සැක කල හැකිය. එවැන්නක් නොවිය හැක්කේ නොවේ.
අනෙක් අතට මෙම නඩුවෙන් ඔරකල්ට ජය හිමිවුවහොත් එය ජාවා පාදක කරගත් මෘදුකාංග නිර්මාණයට බලවත් පහරක් වනු ඇත. දැනට ජාවා මෘදුකාංග නිර්මාණය සඳහා Sun JDK භාවිත කරනුයේ ගෙවීමකින් තොරවය. එසේ මුදල් ගෙවන ලෙස සන් සමාගම ඉල්ලා සිටියේද නැත. මෙයින් පසු ජාවා සඳහා ගෙවීමක් කරන්නට සිදුවුවහොත් ජාවා භාවිතයෙන් මෘදුකාංග නිපදවීම ද මයික්රොෙසාෆ්ට් හි .NET මගින් නිපදවන්නාක් මෙන් වියදම් අධික විය හැකිය. ඇතැම්විට ඔරකල් මේ සැරසෙනුයේ සිය ජාවා පද්ධතිය මුදලට විකිණිම ආරම්භ කිරීමේ ක්රියාවලියකට විය හැකිය.
ගූග්ල් යනු අන්තර්ජාලයේත්, පරිගණක ක්ෂෙත්රෙය්ත් දියුණුව උදෙසා අලුත් දේ කල, නොමිලයේ සේවාවන් රැසක් ලබාදෙන සමාගමක් වීමත්, ඔරකල් යනු තඹ සතයක දෙයක් නිකං නොදෙන, සම්පූර්ණයෙන්ම පාහේ ලාභය ඉපැයීම කේන්ද්ර කරගත් සමාගමක් වීමත් මත ක්ෂෙත්රෙය් වැඩි දෙනෙකුගේ සහාය ගූග්ල් වෙත හිමිවී ඇති බව දැකිය හැකිය. නමුත් අවසන් තීන්දුව දෙනු ඇත්තේ අධීකරණයයි. මේ වන විටත් සිද්ධිය සම්බන්ධයෙන් ගූග්ල් විසින් කිසිදු ප්රකාශයක් සිදුකර නැති බවද සඳහන් කල යුතුය.
File Sharing, එහෙමත් නැත්තං අපේ ගොනු සුරක්ෂිත කරලා තියාගන්න අන්තර්ජාලයේ ඉඩ කඩ ලබාදෙන අඩවි බොහොමයක් තියෙනවා. මින් Rapidshare, Hotfile, Megaupload, 4shared වැනි අඩවි බොහොමයක් ජනප්රිය වෙලා තියෙන්නේ ඒවාට වෙනත් අය අප්ලෝඩ් කරන චිත්රපට, ගේම්ස්, මෘදුකාංග, ගීත එහෙම බාගන්න පුලුවන් නිසා තමයි.
මේ අතරින් මම නම් කැමතිම File sharing සයිට් එක තමයි mediafire. හේතුව තමයි මේකෙන් ඩවුන්ලෝඩ් කරන අයට දෙන වදය අවම වීම. දැකලා ඇති Rapidshare වගේ අඩවි වල ෆයිල් එකක් බාන්න විනාඩියක් විතර බලාගෙන ඉන්න ඕනේ. එකම IP එකකින් එකවර දෙදෙනෙකුට බාන්න දෙන්නෙත් නැති නිසා mobile broadband පාවිච්චි කරන අයට ඒවා අකැපයි. mediafire වල ඔය කිසි කරදරයක් නෑ. තත්පර දෙකතුනක් ඇතුලත ලින්ක් එක පෙන්නනවා. Download manager එකක් භාවිත කරන්නත් කිසි තහනමක් නෑ.
Continue reading »
Google Buzz ගැන වැඩි දෙනෙක් දන්නෙ නැතුව ඇති සමහර විට. මේකට හේතුව Wave වගේ කාලයක් තිස්සේ සද්ද දාලා නෙමෙයි මේක දුන්නේ. කිසිම නිල පූර්ව ප්රකාශයක් තිබ්බෙත් නෑ මම දන්න විදියට. ආරංචි විතරයි. හදිස්සියෙම Buzz දුන්නා. මේක ක්රම ක්රමයෙන් එකවුන්ට් වලට ඇක්ටටිවේට් කරන නිසා ඔබේ එකවුන්ට් එකට තවමත් ලැබී ඇත්නම් කලබල වෙන්න අවශ්ය නෑ. ලඟදිම ලැබේවි.
මොකක්ද මේ Google Buzz කියන්නේ කියලා දැනගන්න නම් සුපුන් @budhajeewa ලියු මේ ලිපිය කියවන එක හොඳයි. මගේ ලිපියේ අරමුණ Buzz අපට කරදරයක් වෙයිද කියන එක ගැන පෙර විපරමක් කරන එක විතරයි.
Continue reading »
මට අද දවල් මේල් 2 ක් ආවා මගේ යාලුවා යොහාන් ගෙන්. ඕපන් කරලා බැලුවාම ඒ මේල් 2 සාමාන්යයෙන් අර forward කෙරෙන ජාතියේ ඒවා. මට ඒවයේ අමුත්තක් දැනුනා කාරණා 2ක් නිසා. එකක් යොහාන් ප්රතිපත්තියක් විදියට මේල් ෆෝවර්ඩ් කරන්නෙ නෑ අනුන්ට කරදරයක් වෙන විදියට. අනිත් එක මිනිහගේ ADSL එක මේ දවස්වල ඩවුන්. කැෆේ යන වෙලාවකුත් නෙමෙයි ඒක.
ඒ නිසා මං Show Details මත ක්ලික් කරලා බැලුවා. එතකොට මට පෙනුනා ඒ මේල් එක මට ආවට එහි To: කියන තැන මගේ (හෝ කිසිවෙකුගේ) ඇඩ්රස් එකක් සඳහන් නැති බව.
මම යොහාන්ට කෝල් එකක් අරන් බැලුවාම මම හිතපු දේ හරි. මිනිහා මට මේ මේල් එවලා නෑ. ඒ කියන්නේ කවුරුහරි මේල් එකවුන්ට් එකට හොරෙන් ලොග් වෙලාද? ඒත් එහෙනම් To: එකේ මගේ ඇඩ්රස් එක නැත්තේ මොකද? නැත්තම් මේක අලුත්ම ස්පෑම් ක්රමයක්ද?
පොඩ්ඩක් මේ ගැන අවධානයෙන් ඉන්න. සමහරවිට ඔබේ ඇඩ්රස් එකෙනුත් ඔබ නොදැන අනුන්ට මේල් යනවා වෙන්න පුලුවන්.
Google chat එක ලබාදෙන හොඳ සර්විස් එකක් මේක. මෙමගින් ඔබට පුලුවන් භාෂා 12ක් අතර පරිවර්තනය කරගන්න. ඔබට කිරීමට ඇත්තේ පහත සඳහන් පරිදි අවශ්ය chat bot ඔබේ contacts වලට එකතු කර ගැනීමයි. විගසින් ඔහු online බව ඔබට පෙන්වනු ඇති. එවිට ඔහු සමග chat කිරීම ආරම්භ කරන්න. ඔබ එක් භාෂාවකින් යමක් ඔහුට පැවසූ විට ඔහු එය පරිවර්තනය කර ආපසු ඔබට කියනු ඇති. (රූපය බලන්න)
මෙන්න මේවා තමයි භාෂා:
ar = අරාබි, de = ජර්මන්, el = ග්රීක්, en = ඉංග්රීසි, es = ස්පාඤ්ඤ, fr = ප්රංශ, it = ඉතාලි, ja = ජපන්, ko = කොරියානු, nl = ඕලන්ද, ru = රුසියානු, zh = චීන
මේ ආකාරයටයි bot ගේ ලිපිනය හැදෙන්නේ:
[මූලික බස]2[එය පරිවර්තනය විය යුතු බස]@bot.talk.google.com
උදා: en2fr@bot.talk.google.com, ja2zh@bot.talk.google.com
(මතක තබාගන්න: ඔබ en2fr සමග chat කරන විට ඔබ ඔහුට ඉංග්රීසියෙන් පමණක් කථා කල යුතු අතර ඔහු එය පරිවර්තනය කරනුයේ ප්රංශ බසට පමණි)
උත්සාහ කරලා බලන්න.
මේ කොහේ කියලද හිතන්නේ ? මේ නුගේගොඩ හංදිය. දැන් මාස 3ක විතර වෙලේ ඉඳන් මෙතන ගුවන් පාලමක් හදන බව අමුතුවෙන් කියන්න ඕනෙ නෑ නෙ. මේ පින්තූරෙ මම google earth වලින් ගත්තේ මේ දැන් (2009 ජනවාරි 31 රෑ 11.10 ට). කෝ මේකෙ එහෙම දෙයක් පේන්නෙ නෑ නොවැ.
Google Earth update වෙන්නෙ මෙච්චර ප්රමාද වෙලා බව මං කලින් දැනං හිටියෙ නෑ නෙ. ලංකාව උඩින් යන සැටලයිට් වාරණය කරලද මන්දා.
සැලකිය යුතුයි
