Transloader එකක් හා Click Counter එකක්

On 2009 සැප්තැම්බර් 22, in අන්තර්ජාලය, තාක්ෂණික, by ප්‍රවීන් ඉන්ද්‍රනාම

වෙබ් ස්පේස් එකක් තියෙන අයට (මිලදී ගත් හෝ free hosting එකක්) වැදගත් වෙයි කියලා හිතෙන php script 2ක් ගැන තමයි මේ ලියන්න හදන්නේ. සරල Transloader එකක් හා සරල Click Counter එකක්, php භාවිතයෙන් නිර්මාණය වුන.

Firefox මගින්ම imeem™ හි සිංදු ඩවුන්ලෝඩ් කර ගනිමු

On 2009 ජූලි 30, in අන්තර්ජාලය, තාක්ෂණික, by ප්‍රවීන් ඉන්ද්‍රනාම

imeem™ ගැන දන්නවා නේද? ඒක Social Media Service එකක්. අපිට පුලුවන් එහි අපි ලඟ තියෙන ගීත, වීඩියෝ, ඡායාරූප බෙදාහදාගන්න සහ මිතුරන්ගේ ෆයිල්ස් බලන්න, කමෙන්ට් කරන්න. තමන් ලඟ තියෙන ගීත බෙදාහදාගන්න දෙන සයිට් එකක කොච්චර ගීත ඇත්ද කියල අමුතුවෙන් කියන්න ඕනේ නෑ නේ. පොඩි පරහකට තියෙන්නේ කොපිරයිට් ප්‍රශ්ණ නිසා මේ අඩවියෙන් ගීත බාගත කරන්න දෙන්නෙ නෑ. එම අඩවියේදීම streaming ක්‍රමයට අහන්න විතරයි ඉඩ දෙන්නේ. හදිස්සියකට අපි සිංදුවක් හොයනකොට ඒක imeem අඩවියෙම විතරක් නං තියෙන්නේ? පිස්සු හැදෙනවා නේද ඒක බාගන්න බැරිඋනාම :D ඔන්න මේ කියන්න හදන්නේ ඒවා බාගන්න හැටි, වෙනත් ටූල් නැතුව, Firefox භාවිතයෙන් පමණක්.

වින්ඩෝස්/ලිනක්ස් සැමට Youtube HD වීඩියෝ

On 2009 ජූලි 29, in අන්තර්ජාලය, තාක්ෂණික, by ප්‍රවීන් ඉන්ද්‍රනාම

මගේ twitter මිතුරන් පසුගිය ටිකේ දකින්න ඇති මම Youtube HD ගැන දොඩවනවා. ඇත්තටම මොනවද මේ HD කියන්නෙ? HD – High Definion, සරලව කිව්වොත් DVD quality එකේ වීඩියෝ (මේ ඩීවීඩී කොලිටි කියන්නේ එක dvd එකේ චිත්‍රපටි 4ක් දැම්මාම තියෙන කොලිටි එක නෙමෙයි. සම්මත DVD-9 එකක තනි චිත්‍රපටයක් දැම්මාම තියෙන කොලිටි එක). ප්‍රමාණාත්මකව කිව්වොත් 1280×720 pixels (720p) හෝ 1920×1080 pixels (1080i/1080p). Youtube කලින් ජනප්‍රිය වී සිටියේ වීඩියෝ කාටත් බැලිය හැකි පරිදි තරමක් අඩු කොලිටි එකකින් (.flv ෆයිල් ලෙස) බෙදාහදා ගන්නා අඩවියක් ලෙස. ඒත් තාක්ෂණයේ දියුණුවත් සමගම පුලුල් පරාස අන්තර්ජාල සම්බන්ධතා ඇතිවීමත්, Blu-Ray වැනි තාක්ෂණ පැමිණි පසු වැඩි ඩිමාන්ඩ් එක ඇත්තේ high definition වීඩියෝ වලටත් නිසා Youtube එක කලකට පෙර තම අඩවියට මෙම high quality high definition වීඩියෝ ද අප්ලෝඩ් කිරීමට අවස්ථාව ලබා දුන්නා.

esnips වෙතින් සිංදු ඩවුන්ලෝඩ් කරන්නේ කොහොමද

On 2009 ජූනි 3, in අන්තර්ජාලය, තාක්ෂණික, හිත ගිය තැන්, by ප්‍රවීන් ඉන්ද්‍රනාම

මට ටිකකට කලින් ඕනෙඋනා නන්දා මාලනී මහත්මියගෙ “උඩඟු ලියන් ගොතා බඳින” ගීතය. Google search එකක් දාපුවාම මට ලැබුනා ඒක esnips අඩවියේ තිබෙන බව. esnips කියන්නේ file sharing අඩවියක්. ගීත, වීඩියෝ වගේම වෙනත් ෆයිල් උනත් share කරගන්න පුලුවන්. ඒත් පොඩි ප්‍රශ්නෙකට තියෙන්නෙ ගොඩක් mp3 ඩවුන්ලෝඩ් කරන්න ඉඩ නොදීමයි. එහි embed player එකෙන් අහන්න විතරයි පුලුවන්.

මේ වගේ embeded media ඩවුන්ලෝඩ් කරන්න මම පාවිච්චි කරන්නෙ මගේ ආදරණීය Internet Download Manager එක තමයි. ඒක ඉන්ස්ටෝල් කර තිබේ නම් දැකලා ඇති අපි වෙබ් අඩවියක් බ්‍රවුස් කරනකොට එහි media ෆයිල් එකක් තියෙනවනම් මේ ආකාරයේ ඩවුන්ලෝඩ් බට්න් එකක් දිස්වෙනවා.

ඉතින් මමත් පුතය වගේ බැස්සා වැඩේට. හුටා.. IDMට බෑ ඒක ඩවුන්ලෝඩ් කරගන්න. මම esnipsහි ම තව ගීත දෙකතුනක් බැලුවා. ඒවත් බෑ. ඒ කියන්නේ esnips දැං IDM ගේ රහස දැනගෙන බ්ලොක් කරනවද කොහෙද. මමත් අතෑරියේ නෑ. ආපහු Google සරණ පැතුවා esnips media ඩවුන්ලෝඩ් කරන විදියක් දැනගන්න. එතකොටයි මේ අගනා සයිට් එක හම්බුනේ.

esnips අඩවියේ අපට අවශ්‍ය media file එකේ ඇඩ්‍රස් එක මෙතනට දුන්නාම ඩවුන්ලෝඩ් ලින්ක් එකක් generate කරලා දෙනවා. ඔබ ඩවුන්ලෝඩ් කරන්නේ mp3 එකක් නම් මෙහි mp3 ටික් එක දාන්නත්,‍ වෙනත් ෆයිල් ජාතියක් නම් Other ටික් එක දාන්නත් අමතක කරන්න එපා.

හ්ම්.. කතා ඇති. උත්සාහ කරල බලන්න.

http://www.zuhaib.in/how-to/esnips-download-link-generator

සැ.යු: මෙතන තියෙනවා standalone app එකකුත් මේ වැඩේට. ඒක ඩවුන්ලෝඩ් කරන නොකරන එක ඔබේ වැඩක්. කරනවනම් පරිස්සමින්. අපි දන්නෙ නෑ නෙ ෂුවර් ද නැද්ද කියල.

හිස් මිනිසුන් කුස් පුරවන
සිත් පිනවන බස් දොඩවන
බොජුන් මේස මත සුවඳ හලන්නට
මා පිපුනේ නැත.. මේ දෙරණේ…

අවුරුදු මහා Linux පොල

On 2009 අප්‍රේල් 13, in අන්තර්ජාලය, by ප්‍රවීන් ඉන්ද්‍රනාම

සේල් ! සේල් ! සේල් !
ලාබයි… ලාබයි… ලාබයි…

මේ උත්සව සමයේ
ඔබට අවශ්‍ය සියලුම ලිනක්ස් ඩිස්ට්‍රෝ එකම වහලක් යටින් !

ඔබත් අදම පිවිසෙන්න

මහා ලිනක්ස් පොල ට !

Rapidshare – අලුත්ම ඇන්දිල්ල

On 2009 පෙබරවාරි 17, in අන්තර්ජාලය, ඇසි-දිසි, by ප්‍රවීන් ඉන්ද්‍රනාම

‍Rapidshare සයිට් එකෙන් free user කෙනෙක් විදියට ෆයිල් ඩවුන්ලෝඩ් කරන එක කොච්චර කරදරයක්ද කියල අමුතුවෙන් කියන්න ඕනෙ නෑ නෙ. waiting time එකකුයි, download amount limit එකකුයි, speed limit එකකුයි, . . . . . නැති ලිමිට් එකක් නෑ.

දැං ඔන්න රැපිඩ්ෂෙයා එක තව ක්‍රමයක් හොයාගෙන free userලාව අන්දන්න. මෑතක ඉඳං ෆයිල් එකක් ඩවුන්ලෝඩ් කරන්න ගියාම error message එකක් එනවා ‘free userලා සඳහා තියෙන downloading slots ඉවරයි, තව විනාඩි 2කින් බලන්න’ කියලා. විනාඩි 2න් ගියත් එන්නෙ ඕකමයි. හරිම අමාරුවෙන් තමයි චාන්ස් එකක් ගන්නේ.

free userලාට එච්චර හොඳ කල දසාවක් නෙමෙයි වගේ එන්නේ.

චිත්‍රපට download කිරීමේදී සැලකිලිමත් වෙන්න

On 2009 ජනවාරි 24, in අන්තර්ජාලය, by ප්‍රවීන් ඉන්ද්‍රනාම

ඔබ අන්තර්ජාලයෙන් චිත්‍රපට බාගත කරනවාද (torrent වලින්) ? එහෙනම් චිත්‍රපටය බාගත කරන්න කලින් ඒකෙ quality එක කොහොමද කියලා බලාගන්න ඒකෙ description එකේ තියෙන මේ කෙටි යෙදුම් තේරුම් ගන්න.

CAM / CAMrip – කැමරා කොපි නමින් අපි මේවා හඳුන්වනවා. මේවා හදන්නෙ චිත්‍රපට ශාලාවෙ තිරය කුඩා කැමරාවක් මගින් නැවත රූගත කිරීමෙන්. බොහෝවිට නිතරම කැමරාව හෙලවෙනවා දකින්න පුලුවන්. රූප හා ශබ්ද වල තත්ත්වය අන්තිමයි. ‍ශාලාවෙ ශබ්දත් ඇහෙනවා. රූප පැහැදිලිත් නෑ.

TELESYNC (TS) – තිරය රූගත කිරීමෙන් හැදුවත් ශබ්දය ලබාගන්නෙ ආසන වල ඇති headphone socket එකෙන්. ඒ නිසා ශබ්දය ටිකක් හොඳ උනත් බාහිර ශබ්ද හා නිරෝධනය වී ඝෝෂා ඇති කරන්න පුලුවන්. සමහර ඒවා හිස් සිනමා ශාලාවකදී රූගත කිරීම නිසා තත්ත්වය ටිකක් හොඳයි. ඒත් බොහෝ විට මේ නමින් එන්නේ වැරදියට ලේබල් කල CAMrip බව මතක තබා ගන්න.

TELECINE (TC) – සිනමා පටය (reel) කොපි කල හැකි යන්ත්‍රයක් භාවිතයෙන් ලබාගත් එකක්. (මෙවැනි යන්ත්‍ර වලින් තමයි සිංහල චිත්‍රපට රූපවාහිනියේ පෙන්වීමට සකස් කරන්නේ) මෙම යන්ත්‍ර සාමාන්‍යයෙන් දුර්ලභ නිසා මෙම වර්ගයත් ටිකක් දුර්ලභයි.

SCREENER (SCR) – චිත්‍රපටය එලිදැක්වීමට කලින් ප්‍රචාරණය සඳහා ලබාදෙන VHS පටි. මේකේ තිරය මත විවිධ අකුරු, දැන්වීම් දකින්න තියෙනවා කරදරයක් වෙන තරමට. මේවා බොහෝදුරට නිකුත් කරන්නේ චිත්‍රපට කුලියට දෙන ආයතන සඳහා. රූප/ශබ්ද තත්ත්වය නම් සෑහෙන්න හොඳයි. ඒත් රූප ප්‍රමානය ඉතා කුඩායි (letterbox).

DVD-SCREENER (DVDscr) – කලින් කියපු ජාතියමයි, හැබැයි DVD වලට ගහලා.

VHSRip – ඔරිජිනල් VHS tape එකෙන් ලබාගත් වීඩියෝ එකක්. දැන් මේ ආකාරයට චිත්‍රපට එනවා ගොඩක් අඩුයි. වැඩිපුරම තියෙන්නේ ක්‍රීඩා සහ අසභ්‍ය වීඩියෝ.

TVRip – මේවා රූපවාහිනියේ යන චිත්‍රපටයක් හෝ කතා මාලාවක් capture card එකක් මගින් ලබාගත් ඒවා. තත්ත්වය ඉතින් capture card එකේ quality මත රඳා පවතිනවා.

Asian Silvers / PDVDrip – ඔබ දැක තියෙනවා නේද එක dvd එකේ චිත්‍රපට 4ක් 5ක් තියෙනවා. ඒවා ඔරිජිනල් dvd නෙමෙයිනේ. ඒවාට තමයි Silvers කියන්නේ. මේවා ආසියාවට ආවේනිකයි ! ඒවායින් හදපු වීඩියෝ තමයි මේ. තත්ත්වය සාපේක්ෂයි. එකින් එකට වෙනස් වෙන්න පුලුවන්. ඇතැම්විට PDVDrip යටතේ CAM ඒවත් එනවා.

WORKPRINT (WP) – චිත්‍රපටයේ සංස්කරණයේ දී ලබාගත් පිටපතක්. රූප ශබ්ද තත්ත්වය හොඳ වෙන්න පුලුවන් උනාට මේකෙ දර්ශන කොටස්,සංගීතය අඩු වෙන්න පුලුවන්. මොකද තවම චිත්‍රපටය අසම්පූර්ණ නිසා. උදාහරණයක් විදියට Men in Black හි ජනතාව අතර ප්‍රචලිත වු මෙ‍ම වර්ගයේ පිටපතේ පිටසක්වල ජීවීන් වෙනුවට එහි සිට ඇත්තේ නලුවන්. ඒ ත්‍රිමාන රූප ඊට එකතු කිරීමට කලින් ලබාගත් WP එකක්.

DVDRip – මේක තමයි හොඳම එක. ඔරිජිනල් dvd එකෙන් හදපු වීඩියෝ එක. වීඩියෝ එකේ වර්ගය අනුව පොඩි පොඩි වෙනස්කම් තියෙන්න පුලුවන් උනත් සමස්තයක් විදියට අනර්ඝයි.

R5 (DVD region 5) – මේකත් ඉතා හොඳ තත්ත්වයේ එකක්.මේවා හදන්නේ ස්ටුඩියෝ එකකදී ඔරිජිනල් රීල් එක පරිගණක මාධ්‍යයට ගැනීමෙන්. මෙය අදාල සිනමා සමාගම විසින්ම සිදුකරන්නේ හොර පිටපත් සංසරණය වීමෙන් ඔවුන්ට සිදුවන පාඩුව වලක්වාගැනීමට ඉතා ඉක්මනින් dvd නිකුත් කළ හැකි ක්‍රමයක් විදියටයි. (මෙය මට මතක් කලාට චතුර වික්‍රමරත්නට මගේ ස්තූතිය)

මේ හැර Making Video හෝ Footage යනුවෙන් සඳහන් කර ඇත්තේ චිත්‍රපටය නොවේ. ඒ චිත්‍රපටය හැදූ ආකාරය ගැන වාර්තා වැඩසටහනක්.
ඒ වගේම චිත්‍රපටය නිකුත් වූ විගසම DVDrip බලාපොරොත්තු වෙන්න එපා. ඔරිජිනල් dvd එක නිකුත් කරන්නේ එය සිනමාහල් වලින් ඉවත්වු පසුවයි.

ජැමෙන්ඩෝ – නොමිලේ සංගීතය

On 2009 ජනවාරි 18, in අන්තර්ජාලය, සංගීතය, හිත ගිය තැන්, by ප්‍රවීන් ඉන්ද්‍රනාම

http://www.jamendo.com

මගේ පරිගණකයට මැන්ඩ්‍රිවා ස්ථාපනය කළාමයි මට මේ වෙබ් අඩවිය මුනගැහුනේ. ජැමෙන්ඩෝ කියන්නේ අලුත් කලාකරුවන්ගේ සංගීත ඇල්බම නොමිලේ බාගත කර ගැනීමට ඉඩ සලසන තැනක්. වෙනත් අඩවි වගේ සිංදු වලින් කෑලි හෝ කොලිටි අඩු ඒවා ‍නෙමෙයි. සම්පූර්ණ ගීත, උසස් තත්ත්වයෙන් යුත් mp3 හෝ ogg ලෙස.

අලුත් කලාකරුවන්ගේ උසස් නිර්මාණ මෙහි තියෙනවා. බාගත කරගෙන රසවිඳින්න. ඔබටත් හැකිවේවි ඒ අලුත් අයට අත දෙන්න.