ඉන්ද්‍රනාම » chinese http://blog.indranama.com අහපු දැකපු හිතපු දේවල් Mon, 06 Feb 2012 02:56:38 +0000 en hourly 1 http://wordpress.org/?v=3.2.1 චයිනීස් ෆෝන් ගැන කතා ටිකක් http://blog.indranama.com/2009/11/chinese-mobile-phones/ http://blog.indranama.com/2009/11/chinese-mobile-phones/#comments Sat, 07 Nov 2009 17:30:44 +0000 ප්‍රවීන් ඉන්ද්‍රනාම http://blog.indranama.com/?p=655 ගිය සිකුරාදා පිටකොටුවේ ෆෝන් කඩවල රවුමක් ගැහුවා, බස් රියේදී තම දුරකථනය දන් දීපු අපේ මිතුරියකට අලුත් දුරකථනයක් ගන්න බලන්න. ඒ tour එකේදී දැකපු දේවල් ටිකක් තමයි මේ. කාලෙකට ඉහතදී මේ ෆෝන් කඩවල ෂෝකේස් එක සම්පූර්ණයෙන්ම chinese phone වලින් පිරී තිබුනත් දැන් දැන් branded phone ත් නැවත ෂෝකේස් වෙත පැමිණ ඇති බවයි පෙනෙන්න තිබුනේ. ඒ පාරිභෝගිකයන් චීන දුරකථන වල බාල තත්වය වටහාගෙන නැවත branded දුරකථන වලට ඉල්ලුම වැඩි වීම නිසා වෙන්න ඇති.

Nokia 1661

ඒ වගේම Nokia, Sony Ericsson හා LG වැනි සමාගම් චීන දුරකථන හා තරඟ කිරීමට මෙන් අඩු මිල-වැඩි පහසුකම් සහිත දුරකථන හඳුන්වාදී තිබෙනවා. අපි මිලදී ගත්තේ Nokia 1661 නම් දුරකථනය රුපියල් 4000ක් වුනා. එහි color display මෙන්ම Stereo FM radio එකක්ද තිබෙනවා. රුපියල් 8000ක් පමණ දී චීන දුරකථනයක් ගෙන අවුරුද්දකටත් අඩු කාලයකදී කඩාගන්නවාට වඩා රුපියල් 4000කට නොකියා දුරකථනයක් ගෙන දිගුකල් පාවිච්චි කරන්නට (අප මෙන්ම) බොහෝ දෙනා සිතනවාට සැක නැහැ.

interestingම දේ තමයි දැන් දැන් ජනප්‍රිය branded phone විදියට 100%ක්ම බාහිරින් සමානව හදපු චීන දුරකථන වෙලඳපොලට පැමිණ තිබීම. ඉස්සර නම් මේවයේ අදාල ප්‍රසිද්ධ සමාගමේ (Nokia, Sony Ericsson) නම වෙනුවට ඒ ලඟික් යන (අකුරක් දෙකක් වෙනස්) නමක් මුද්‍රණය කර තිබුනත්, දැන් නම් කිසිදු ලැජ්ජාවකින් තොරව ඒ සමාගමේ නමම මුද්‍රණය කර එවන්නට තරම් චීන නිෂ්පාදකයෝ නිර්භීත වී තිබෙනවා. Nokia 5800 Express Music දුරකථනයක් තිබෙනු දැක මා එහි මිල විමසූ විට කඩ හිමියා පැවසුවේ එය රුපියල් 9000ක් බවයි! එය චීන අනුකාරකයක් බව මට තේරුනේ එවිටයි. එය 100%ක්ම ඔරිජිනල් 5800 දුරකථනයට සමානයි. මේ හැරෙන්නට N95 8GB, N73 Music Edition, Samsung Omnia, iPhone වැනි ජනප්‍රිය දුරකථන වල චීන අනුකාරක වෙලඳපොලේ තියෙනවා රුපියල් 15000ටත් අඩු මුදලට. ගාල්ලේ පරිගණක අලෙවිසැලක තිබුණා iPhone clone එකක්, රුපියල් 30,000කට. එතරම් මිලක් වීම ගැන මා විමසූ විට දැනගන්න ලැබුනේ එහි WiFi ද තිබෙන බවයි.

5800 හි clone එකක්

මේ හැරෙන්නට ඉතා ලස්සන චීන දුරකථන මොඩල් වෙලඳපොලේ තිබෙනවා. ඇතැම් ඒවා දැක්කාම මට මගේ Sony Ericsson දුරකථනයත් පැත්තක දාලා ඒ එකක් ගන්න හිතෙනවා :D

කොහොම උනත් මා දන්නා චීන දුරකථන මිලදී ගත් සියලුදෙනාටම පාහේ තම දුරකථන පාවිච්චි කරන්න ලැබුනේ වසරකටත් අඩු කාලයක්. මේවායේ බැටරිය ඉතා ඉක්මනින් “ගර්භනී භාවයට” (පරණ වෙනකොට බැටරිය පිම්බෙන්නේ) පත්වන අතර අමතර බැටරි වෙලඳපොලේ හොයන්නත් නෑ. Keypad එකේ, touch screen එකේ දෝෂ ඉතා ඉක්මනින් ඇතිවෙනවා. ඒ වගේම branded phone එකක් තරම් මේවා දාඩියට ඔරොත්තු දෙන්නේ නෑ. එමගිනුත් ඉක්මනින් දුරකථනය සවුත්තු වෙනවා. චීන දුරකථන වල තියෙන භාවිතයේ ලොකුම අවුල තමා GPRS වැඩ නොකිරීම හා Java application වැඩ නොකිරීම. මේ හැරෙන්නට ඇතැම් ෆෝන් වල # code වැඩ කරන්නෙත් නෑ. (ඒ කියන්නේ දුරකථනයේ අයිතිකරු හඳුනාගන්න ගහන්න කියන #132# කියන කේතය ගැහුවට වැඩක් නෑ.)

මෙන්න මෙහෙමයි මොබයිල් ෆෝන් වෙලඳපොල. ආරංචියක් තියෙනවානෙ ඊලඟට එන නෙට්වර්ක් එක වන Reliance Mobile හි නෙට්වර්ක් එක 4Gද මොකක්ද කියලා. ඒ කියන්නේ VoIP හා GSM එකට එක්කරපු ක්‍රමයක්ලු. කොහොම උනත් මේ කතාව ඇත්ත නං ඒ නෙට්වර්ක් එකට පාවිච්චි කරන්න බැරිවෙයි දැන් තියෙන ෆෝන්. අලුතෙන් 4G ෆෝන් ගන්න වෙයි. රුපියල් කීයක් උනත් ආපු පරක්කුවට අපේ මිනිස්සු ඒ ෆෝන් ගනී. මොකද ලංකාවෙ මිනිස්සුන්ට බඩට කන්න නැතත් අතට ඔබන්න ෆෝන් එකක් නැතුව බෑ නෙ. :D ඔවු.. මේ හිනාවෙන්නෙ මටත් එක්ක තමා ! :D :D

චීන දුරකථන ව්‍යාප්තිය පටන් ගත්ත කාලේ, (ඒ වගේම මම බ්ලොග්කරණය පටන්ගත්ත කාලේ) චීන දුරකථන ගැන මම ලියපු ලිපියක් තියෙනවා. කැමති නම් කියවන්න, මෙතනට ගිහින්.

]]> http://blog.indranama.com/2009/11/chinese-mobile-phones/feed/ 36 චීන දුරකථන http://blog.indranama.com/2009/01/%e0%b6%a0%e0%b7%93%e0%b6%b1-%e0%b6%af%e0%b7%94%e0%b6%bb%e0%b6%9a%e0%b6%ae%e0%b6%b1/ http://blog.indranama.com/2009/01/%e0%b6%a0%e0%b7%93%e0%b6%b1-%e0%b6%af%e0%b7%94%e0%b6%bb%e0%b6%9a%e0%b6%ae%e0%b6%b1/#comments Sat, 31 Jan 2009 06:02:00 +0000 ප්‍රවීන් ඉන්ද්‍රනාම http://blog.indranama.com/?p=12 චීන අවන්හල් මෙන්ම (ජාතියක් ජම්මයක් නැති) චීන දුරකථන ද දැන් මෙරට ශීඝ්‍රයෙන් ජනප්‍රිය වනු පෙනේ. Brantel සමාගම විසින් e-Tel (අන්තර්ජාලයේ සොයා බැලුවොත් e-Tel නමින් සමාගමක් මිහිපිට නැති බව දැනගත හැකිය) දුරකථන හඳුන්වා දීමත් සමග ඇරඹුනු මෙම රැල්ලට දැන් වෛවාරන්න දුරකථන වර්ග දහස් ගනනින් එක් වී ඇත.

මිනිස්සු මෙම දුරකථන මිලදී ගැනීම සාධාරණය. සුපිරි පහසුකම් රැසක් ඇති වීන දුරකථන ඉතා අඩු මිලට වෙලඳපොලේ ඇත. කවුද අකමැති touch screen phone එකක් රු 8000කට විතර ගන්න ? මම මෙහි ඔබට ඒවා මිලදී නොගන්නැයි කියනවා නොවේ. එහෙත් අඩුමිල චීන දුරකථනයක් ගැනීමට පෙර යම් යම් කරුණු සලකා බැලීම වටී. නැතහොත් ඔබ ඒ ගෙවන අඩු මුදල වුවද වතුරේ යා හැකිය.

පලමු කරුණ නම් මෙම දුරකථන බොහොමයකට වගකීම් සහතික නැති බවයි. චීන බඩු යනු ඉක්මනින්ම කැඩෙන්නට අර අඳින ඒවා බව ඕනෑම අයෙක් දන්නවා ඇත. පිලිගත් නමක් නැති නිසා මෙම දුරකථන වල තත්ත්වය හා ඔරොත්තු දෙන ස්වභාවය කෙසේ දැයි අප නොදනිමු. මගේ මිතුරන් දෙදෙනෙකුගේම මෙවන් දුරකථන එක්වරක් බිම වැටීමෙන් එලොව ගියෝය. ඔබ touch screen චීන දුරකථන ගත්තේ නම් තතත්වය තවත් බරපතලය. ඒවායේ තිරය වීදුරු මාධ්‍යයකින් සාදා ඇති නිසා වහා බිඳී යයි. (මෙය නම් iPhone එකේ ද පැනනගින ගැටලුවකි) නිතර සාක්කුවේ දමාගෙන යාමන් දහදිය දුරකථනය තුලට යාමෙන් ද මේවා ඉක්මනටම ලෙඩ වෙයි. touch screen එකද ඉක්මනින්ම untouchable වෙනු දැකිය හැක.

ඊලඟට මේවායේ කැමරාව අන්තිම දුර්වලය. සමහර ඒවායේ 2MP 3MP ලෙස සටහන් කර තිබුනද ගන්නා ඡායාරූප web cam එකකින් ගත්තාටත් වඩා අන්තය. ඔබ දුරකථනයෙන්ම ඩිජිටල් කැමරාවක කාර්යයත් ඉටු කර ගැනීමට යන්නේ නම් චීන දුරකථන වලින් පලක් නොවේ.

වෙලඳපොලේ ඉල්ලුම වැඩිවන විට කුණු බඩු ද වැඩිවන නිසා දැන් වෙලඳපොලේ ඇති චීන දුරකථන වර්ග එබඳු දහජරාවල් වීමට හොඳටම ඉඩකඩ ඇත.

මෙවැනි දේ නිසා චීන දුරකථනයක් මිලදී ගන්නට සිතන්නේ නම් නැවත දෙවරක් සිතන්න. කෙසේ හෝ මිලදී ගත්තානම් කරුනාකර එය ප්‍රවේශමෙන් පරිහරණය කරන්න.

]]> http://blog.indranama.com/2009/01/%e0%b6%a0%e0%b7%93%e0%b6%b1-%e0%b6%af%e0%b7%94%e0%b6%bb%e0%b6%9a%e0%b6%ae%e0%b6%b1/feed/ 13