පහුගිය දවස් ටිකේ බ්ලොග් එකේ මුකුත්ම ලිව්වෙත් නෑ. පිස්සු හැදිලා වගේ හිටියේ. මොකද මගේ බ්ලොග් එකට (විතරක් නෙමෙයි මගේ බ්ලොග් ඔක්කොටම) පිවිසීමේ ගැටලු තිබුණ නිසා. ඉතින් පිරිසකට කියවන්න බැරුව තිබියදී පෝස්ට් කරලා පලක් නැති නිසා මම ලියන්න ගියේ නෑ.

මෙන්න මේකයි සිද්ධිය උනේ. මුලින්ම කියන්න ඕනෙ මේ ප්‍රශ්නෙ මට විතරක් නෙමෙයි ප්‍රභාත් රණසිංහ (නාගයා) හා මුදිත මදුසංක යන මල්ලිලාටත් තිබුනා. මොකද අපි තුන් දෙනාටම ඩොමේන තිබුණට හොස්ටිං ඉඩකඩක් නෑ. ඩොමේනය මිලදීගත් තැන ම පාක් කර CNAME රෙකෝඩ් හැදීමෙන් තමයි බ්ලොග් අඩවි එම ඩොමේනයෙන් පවත්වාගෙන ගියේ. පසුගිය 10 වෙනිදා සිට එක් වරම අපේ බ්ලොග් වලට යාමට නොහැකි උනා. මුලින් මෙය බ්ලොගර් හි දෝෂයක් කියා සිතුනත් මගේ OpenID සබ්ඩොමේනය (එය බ්ලොගර් හා සම්බන්ධ නෑ) ටත් යාමට නොහැකි වීම නිසාත්, ටෙලිකොම් විසින් ලබාදෙන DNS සර්වර වෙනුවට OpenDNS සර්වර යෙදූ විට බ්ලොග් වලට යාමට හැකි වීමත් නිසා මෙය ඩොමේන මිලදී ගත් ආයතනයේ Parking Nameservers වෙත ටෙලිකොම් හි DNS හරහා සම්බන්ධ විය නොහැකි වීමක් බව සිතුනා.

ටෙලිකොම් කස්ටමර් කරේ (care) වෙත කතා කර ප්‍රශ්ණය කී පසු (එතැන සිටි ගෑණු ලමයා DNS කියන්නෙ මොකක්ද කියල අහලවත් නෑ) පසුදිනම ටෙලිකොම් වෙතින් Breakdown Maintenance කණ්ඩායමක් ආවා. මම කිව්වා මෙය ඔවුන්ට කල හැකි දෙයක් නොවන බවත් මට ජාලකරණය සම්බන්ධ නිලධාරියෙකුට කතා කල යුතු බවත්. මීට පසු තවත් දෙවරක් කස්ටමර් කරේ වෙත කතා කිරීමෙන් පසු සිද්ධිය තේරුම් ගැනීමට හැකියාවක් තිබූ නිලධාරියෙකු මට කතා කලා. ඔහු සරල පරීක්ෂණ දෙකක් (ping, tracert) ද කර පසුව අමතන බව කියා දුරකථනය තිබ්බත් ආපහු කතා කලේ නෑ.

අවුරුදු දින රාත්‍රියේ තවත් කෙනෙක් කතා කලා. ඔහුටත් මම ප්‍රශ්ණය මුල සිටම කී පසු ඔහු කලෙත් කලින් පුද්ගලයා කල දේමයි. ටෙක්කතා වෙත මෙම ගැටලුව ඉදිරිපත් කල විට පිලිතුරු ලැබුනේ තාවකාලිකව හෝ නොමිලේ DNS දෙන තැනකට අපේ ඩොමේන මාරු කරන ලෙසයි. නාගයා මේ අනුව එවැනි අඩවියක පිහිට පැතුවත් මට ඒ අඩවියේ විශ්වාසනීයත්වය ගැන සෑහීමකට පත්වීමට නොහැකි වූ නිසා මම එය භාවිතා කලේ නෑ.

වෙනත් කරන්නම දෙයක් නොවූ තැන මම අද දහවල් වෙබ් හොස්ටිං ආයතනයකින් ඉඩකඩක් මිලට ගෙන ඔවුන්ගේ Nameservers වෙත මගේ බ්ලොග් යොමුකලා. දැන් ඒවා දෙයියනේ කියලා වැඩ කරනවා. මේ අතරේ නාගයා ගේ බ්ලොග් අඩවි ද වැඩකරන බව ඔහු දැනුම් දුන්නා. මුදිතගේ ඩොමේන ද නාගයා භාවිතා කල අඩවියටම දැම්මත් තවමත් එය අප්ඩේට් වෙමින් පවතිනවා.

බ්ලොගය (අර්ධ වශයෙන්) අක්‍රියව තිබූ අවස්ථාවේ මා වෙත ඊමේල් එවා ඒ ගැන විමසන්නට තරම් උනන්දුවක් දැක්වූ බන්දුල රණතුංග හා නුවන් අබේසිංහ මහත්වරුන්ටත්, ට්විටර් හරහා ඒ ගැන විමසූ ශ්‍රීශානු ලොකුපතිරගේ, කිසංක රත්නායක, චරිත් වීරක්කොඩි, චතුර වික්‍රමරත්න යන මහත්වරුන්ටත් චැට් හරහා මා සමග ඒ ගැන සාකච්ඡා කල පහන් සරත්චන්ද්‍ර, කණිෂ්ක නාරද (බින්කු), සුපුන් සුදාරක, සුපුන් බුධාජීව, ගයාන් කල්හාර, ඉසුරු උදාන, ගයන්ත සමරදිවාකර, රවිමල් බණ්ඩාර මහත්වරුන්ටත්, ටෙක්කතා හි උදව් කල කාලිංග ඇතුලත්මුදලි මහතාටත් පැය ගණන් මා සමග චැට් සංවාදයේ යෙදෙමින් විසඳුමක් සෙවූ ප්‍රභාත් රණසිංහ (නාගයා) මල්ලීටත් මගේ ස්තූතිය පිරිනැම
ේ. (අමතක වූ නමක් තිබේ නම් සමාවෙන්න)

[නිදහස් කිව්වට නිදහස් ම නෑ. මොකද මේ ආයතනය මට තනියම CNAME records හදාගන්න දෙන්නෙ නෑ. එයාලට ඊමේල් එකක් යවන්න ඕනෙ ඉල්ලීමක් කරලා. හැබැයි ඉක්මනට වැඩේ නං කෙරෙනවා]